ភ្នំពេញ៖ រាជរដ្ឋាភិបាលសម្រេចអនុញ្ញាតឱ្យកម្មករនិយោជិតនៅទូទាំងប្រទេស បានឈប់សម្រាកដើម្បីទៅបោះឆ្នោតនៅថ្ងៃទី០៥ ខែមិថុនា ឆ្នាំ២០២២ បានសម្រាកមុន ១ថ្ងៃ នឹងក្រោយថ្ងៃឆ្នោត ១ថ្ងៃ។

នៅក្នុងលិខិតរបស់ទីស្តីការគណៈរដ្ឋមន្ត្រីបានឱ្យដឹងថា រាជរដ្ឋាភិបាលកម្ពុជា យល់ព្រមជាគោលការណ៍ឱ្យកម្មករនិយោជិតឈប់សម្រាកដើម្បីទៅបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៥ នាថ្ងៃទី៥ ខែមិថុនា ឆ្នាំ២០២២ ខាងមុខនេះ ១ថ្ងៃមុនថ្ងៃបោះឆ្នោត និង១ថ្ងៃក្រោយថ្ងៃបោះឆ្នោតពោលគឺនៅថ្ងៃសៅរ៍ ទី៤ និងថ្ងៃច័ន្ទ ទី៦ ខែមិថុនា ឆ្នាំ២០២២។

គណៈរដ្ឋមន្ត្រីបញ្ជាក់ថា ការអនុញ្ញាតឈប់សម្រាកនេះគឺត្រូវរក្សាប្រាក់ឈ្នួលនិងអត្ថប្រយោជន៍ផ្សេងៗជូនដល់បងប្អូនកម្មករនិយោជិតដដែល៕